Kenquru Beynəlxalq Riyaziyyat Müsabiqəsi
* Müsabiqə tarixi: 20.04.2025 saat 10:00 - (şagirdlər ən geci saat 09:00 – da müsabiqə keçiriləcək mərkəzdə olmalıdır)
* Qeydiyyat üçün son tarix: 13.04.2025 saat 18:00
Müsabiqəyə qeydiyyatdan keçmək üçün prosedurlar.
- Şəxsi kabinetiniz yoxdursa şəxsi kabinet yaradın. Parolunuz mobil telefon nömrənizə göndəriləcək.
- Şəxsi kabinetə daxil olun. ( Əgər şəxsi kabineti daha əvvəl yaratmısınızsa və parolu xatırlamırsanız “parolu unutdum” düyməsinə klikləyərək mobil telefon nömrənizi daxil edin parol sizə sms olaraq göndəriləcək. )
- Şəxsi kabinetə daxil olduqdan sonra səhifənin ən aşağısında müsabiqənin keçiriləcəyi mərkəzlərdən birini seçərək müsabiqəyə bilet alın.
- Bilet aldıqdan sonra buraxılış vərəqənizi çap edin və müsabiqəyə gələrkən özünüzlə gətirin. Əgər bilet aldığınız zamanı buraxılış vərəqəsini çap etmək imkanınız yoxdursa sizə sms nömrəsinə göndərilmiş keçiddən istədiyiniz zaman çap edə bilərsiniz.
Mərkəzlər siyahısında sizin təhsil aldığınız məktəb varsa o məktəbi seçin, əgər siyahıda yoxdursa sizə ən yaxın məktəbi seçin.
Bir şəxsi kabinet hesabından istənilən sayda bilet ala bilərsiniz.
Uzun illərdir ki, ölkəmizdə keçirilən bu müsabiqədə minlərlə şagirdə riyaziyyat fənni üzrə biliklərini yoxlama imkanı yaradılır. Müsabiqə şagirdlərin problem həlletmə bacarıqlarını, məntiqini və riyazi mülahizələrini yoxlayan qapalı tipli test tapşırıqlarından ibarətdir.
Qeyd edək ki, sözügedən müsabiqə hər il dünyanın 80-dən çox ölkəsində “Həll edirik, öyrənirik, əylənirik” şüarı altında təşkil olunur.
- Müsabiqə 2 mərhələdən ibarət olacaq.
- Müsabiqədə iştirak edən bütün şagirdlərə elektron formada iştirakçı sertifikatı təqdim ediləcək.
- Hər sinif üzrə ən yaxşı nəticə göstərən 10% şagirdə elektron formada diplom təqdim ediləcək.
- Təşkilat komitəsi tərəfindən qaliblərə ödənişsiz “Kenquru riyaziyyat” yay düşərgəsi təşkil ediləcək.
- Birinci mərhələdə ən yaxşı nəticə göstərən 5% şagird final mərhələsinə vəsiqə qazanacaq.
Qeyd edək ki, final mərhələsində iştirak etmək üçün əlavə ödəniş tələb olunmur.
Müsabiqənin keçirilməsində əsas məqsəd ümumi təhsil müəssisələrinin II-X sinif şagirdlərinə riyaziyyat fənni üzrə biliklərini yoxlamağa imkan yaratmaqdır. Müsabiqə Azərbaycan, rus və ingilis dillərində keçiriləcək və 90 dəqiqə davam edəcək. İştirak etmək istəyən şagirdlər mütləq qaydada onlayn qeydiyyatdan keçməli, ödəniş etməli və buraxılış vərəqəsini çap etməlidirlər. Ödəniş 20 manat təşkil edir.
Şagirdlərə Kenquru Beynəlxalq Riyaziyyat Müsabiqəsində uğurlar arzu edirik!
Müsabiqədə iştirak məcburi deyil.
Müsabiqə şagirdlərin məktəb (rəsmi) qiymətlərinə təsir etmir.
Qeydiyyat və texniki problemlərlə əlaqəli suallarınız üçün 050 328 05 32(whatsapp), 055 384 86 31
(zəng) nömrələri ilə əlaqə saxlaya bilərsiniz. Çağrı mərkəzi həftənin 1-5-ci günləri saat 09:00-dan 18:00-a, şənbə günləri 09:00-dan 14:00-a qədər fəaliyyət göstərir. (Nahar fasiləsi 13:00-14:00)
Kenquru Beynəlxalq Riyaziyyat Müsabiqəsi məzmunu və təşkili ilə bağlı suallarınız üçün 051 449 59 41(whatsapp) nömrəsi ilə əlaqə saxlaya bilərsiniz. Çağrı mərkəzi həftənin 1-5-ci günləri saat 09:00-dan 18:00-a qədər fəaliyyət göstərir. (Nahar fasiləsi 13:00-14:00)
Qeydiyyat formasında seçdiyiniz bölmə üzrə iştirakçıya sual kitabçası təqdim olunacaq. Sual kitabçalarını 3 dildən (azərbaycan, rus və ingilis) birində seçə bilərsiniz.
Müsabiqədə şagirdlərə çətinlik dərəcəsinə müvafiq olaraq 3 ballıq, 4 ballıq və 5 ballıq suallar təqdim ediləcək.
2-ci, 3-cü və 4-cü siniflər maksimal bal:96 (8 ədəd 3 ballıq sual, 8 ədəd 4 ballıq sual, 8 ədəd 5 ballıq sual)
5-10-cu siniflər maksimal bal:120 (10 ədəd 3 ballıq sual, 10 ədəd 4 ballıq sual, 10 ədəd 5 ballıq sual)